Igor Stravinskii

Igor F’odorovič Stravinski
Ammatti:	säveldäi, orkesterujohtai, pianistu
Rodivui:	5 (17) kezäkuudu 1882
Roindukohtu:	Lomonosov[d], Pietarin kuvernementti[d], Ven’an valdukundu[d]
kanzalližus:	Frantsii  Ven’an valdukundu[d]  Amierikan Yhtysvallat  Šveitsarii
Kuoli:	6. sulakuudu 1971(1971-04-06) (88 года)
Kuolendukohtu:	New York, New York, Amierikan Yhtysvallat
Tuatto:	Fjodor Stravinski[d]
Ukko / akku:	Yekaterina Nosenko[d] и Vera de Bosset[d]
Lapset:	Soulima Stravinsky[d] и Théodore Strawinsky[d]
Nimikirjutus:

Igor F’odorovič Stravinski (5. kezäkuudu 1882, Oranienbaum, Ven’an impeerii - 6. sulakuudu 1971, New York, Yhtysvallat) oli ven’alaine säveldäi, orkesterujohtai da pianistu, muuzikuallizen modernizman piähengi, yksi XX-vuozisuan muailman muuzikkukul’tuuran kulužimis ezittäjis. Fransien kanzalaine (1934) da Ameriekan Yhtysvalloin kanzalaine (1945).

Eloskerdu

Stravinski rodivui Oranienbaumas da vietti kogo lapsusaijan Piiteris. Hänen tuatto F’odor Ignatjevič Stravinski oli Mariinski-teatran pajattai. Muamo Anna Kirillovna Holodkovskaja oli pianistu da pajattai. Stravinski opastui oigevustieduo, ga vaihtoi sen alan muuzikkah. Vuvvennu 1902 hänes rodih Nikolai Rimski-Korsakovan opastui. Vuvvennu 1906 Stravinski meni kirjoih sevoittaren Jekaterina Gavrilovna Nosenkonke. Stravinski lähti Ven’alpäi vuvvennu 1910 da matkusti Pariižah. Vuvvennu 1939 häi muutti Yhtysvaldoih. Häi kuoli 88-vuodehizennu New Yorkas, ga hänet pandih muah kalmikole Venetsies.

Luomisruado

Stravinskin virgua voi jagua kolmeh kaudeh.

Ven’alaine kauzi (1908—1923)

Tämän kavven allettih kolme D’agelevan joukole sävellettyy baliettua. Balietois Stravinski käytti tiemoi da motiivoi Ven’an rahvahanmuuzikas da niilöis kuuluu Stravinskin opstajan Nikolai Rimski-Korsokovan vaikutus. Muut tevokset ollah ouperu «Solovei» (1916), «Saldatan histourii» (1918), «Svuad’bu» (1923).

Uuskluassine kauzi (1920—1954)

Stravinskin muuzikas on 1700-luvun muuzikan vaikutus. Tämän kavven enzimäine tevos on ouperu «Mavra» (1921—1922). Sežo täh kaudeh kuullah ouperu «Tsuari Edipu»(1927), baliettu «Apollon Musaget» (1928) da konsertu «Dambarton Oks» (1937—1938).

Sarjalline kauzi (1954—1968)

Stravinski käytti sarjalližuttu da 12-sävelsistiemua, kuduadu häi aijemba oli vastustannuh. Erähis tevoksis on kova uskonnolline temuatiekku. Enzimäzet tevokset ollah «Kantata» da «Septet».